ရွှေမြန်မာပြည်သား

လူသားကြိုက် ဆိုက်သို့ဝင်ရန် lutharkyte2.blogspot.com

လူရမ်းကား ဆိုက်သို့ဝင်ရန် luyankarr.blogspot.com

ဗွီဒီယိုများကြည့်ရှုရန်

သီချင်းနားထောင်ရန်

ဤ Website သည် မည်သည့်အဖွဲ့အစည်း ၊ မည်သည့် ပါတီတစ်ခုခု၏ လက်အောက်တွင်မှ တည်ရှိခြင်းမဟုတ်သောကြောင့် သတင်းအချက်အလက်များ မှားယွင်းချွတ်ချော်မှုများ ရှိခဲ့ပါက နားလည်ခွင့်လွှတ်ပေးပါရန် လာရောက်လည်ပတ်ကြသော ဂုဏ်သရေရှိပရိတ်သတ်များကို အသိပေးအပ်ပါသည်။

	ဥရောပ အထူးကုန်သွယ်မှုအခွင့်အရေးနဲ့ မြန်မာစီးပွားရေး ဇွန်လ ၁၇၊ ၂၀၁၃။ အီးယူ ဥရောပသမဂ္ဂရဲ့ အထူးကုန်သွယ်မှုအခွင့်အရေး GSP အဆင့်အတန်းကို မြန်မာနိုင်ငံကို ပြန်လည် ပေးအပ်လိုက်ပါပြီ။ မြန်မာနိုင်ငံတွင်း အဓမ္မလုပ်အားပေးခိုင်းစေမှုတွေကြောင့် ၁၉၉၇ ခုနှစ်ကတည်းက မြန်မာနိုင်ငံအပေါ် အထူးကုန်သွယ်မှုအခွင့်အရေးကို အီးယူ ဥရောပသမဂ္ဂက ယာယီ ရုပ်သိမ်းထားတာပါ။ ဒါပေမယ့် ILO အပြည်ပြည်ဆိုင်ရာအလုပ်သမားအဖွဲ့ချုပ်ကနေ မြန်မာနိုင်ငံတွင်း အဓမ္မလုပ်အားပေးခိုင်းစေမှုပပျောက်ရေးလုပ်ငန်းတွေ တိုးတက်အောင်မြင်မှုရနေပြီလို့ အစီရင်ခံစာထွက်လာပြီးနောက်ပိုင်း၊ မြန်မာနိုင်ငံကို GSP အဆင့်အတန်းပြန်ပေးဖို့ ဥရောပသမဂ္ဂက ပြန်လည်စဉ်းစားခဲ့ပါတယ်။ အခုလို ဥရောပသမဂ္ဂရဲ့ GSP အထူးကုန်သွယ်မှုအခွင့်အရေးဟာ မြန်မာ့စီးပွားဖွံဖြိုးတိုးတက်ရေးအတွက် ဘယ်လောက်အထိ အထောက်အကူပြုနိုင်ပါသလဲဆိုတာ မြန်မာ့စီးပွားရေးပညာရှင် ဦးဇော်ဦးနဲ့ မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှုး ဦးဝင်းကြိုင်တို့ကို ဆက်သွယ်မေးမြန်းထားပါတယ်။ ဒီသတင်းပတ်ရဲ့ စီးပွားရေးအစီအစဉ်မှာ နားဆင်နိုင်ပါတယ်။ နားဆင်ခံစားလိုပါက ဒီနေရာမှာ နားဆင်နိုင်ပါသည်။
	မြန်မာစီးပွားရေး ၆.၃ရာခိုင်နှုန်း တိုးလာဟု အာရှဖွံ့ဖြိုးရေးဘဏ်ပြော ၂၀၁၂ ​ခုနှစ် ​ဘဏ္ဍာရေးနှစ်အတွင်း ​မြန်မာနိုင်ငံ ​စီးပွားရေးက ​၆.၃% ​တိုးတက်မှုရှိပြီး ​အရင်နှစ်တုန်းက ​၅ ​ရာခိုင်နှုန်း ​သာ ​ရှိခဲ့တယ်လို့ ​အာရှဖွံ့ဖြိုးရေးဘဏ်က ​ပြောပါတယ်။ Image: A security guard stands outside the Asian Development Bank's (ADB) headquarters Image 2011-12-15 အာရှဖွံ့ဖြိုးရေးဘဏ်ဗဟိုဌာနချုပ်နဲ့လုံခြုံရေးအစောင့်တဦး (Credit: Reuters) မြန်မာနိုင်ငံ ​အစိုးရသစ်လက်ထက်အတွင်း ​ပြုပြင်ပြောင်းလဲမှုတွေ ​လုပ်လာနေတာနဲ့အမျှ ​စီးပွားရေးတိုးတက်မှုတွေ ​ရှိလာတာလို့ ​ဆိုပါတယ်။ ၂၀၁၂ ​ခုနှစ်အတွင်း ​ရင်းနှီးမြုပ်နှံသူတွေကိုလည်း ​ဆွဲဆောင်မှုပိုရှိလာပြီး ​ရင်းနှီးမြုပ်နှံဖို့ ​ကြိုးစားတဲ့ကုမ္ပဏီက ​အရင်ကနဲ့စာရင် ​၁၄ ​ဆ ​တိုးများလာတယ်လို့ ​သိရပါတယ်။ အဲဒီထဲမှာ ​ကုမ္ပဏီပေါင်း ​၆၂ ​ခုကို ​မြန်မာအစိုးရက ​ရင်းနှီးမြုပ်နှံခွင့်ပေးခဲ့ပြီး ​လွန်ခဲ့တဲ့ ​သုံးနှစ်ထက် ​ပိုများတဲ့ ​အရေအတွက် ​ဖြစ်ပါတယ်။ ​ကမ္ဘာ့လှည့်ခရီးသွားလုပ်ငန်းကနေ ​ဝင်ငွေဒေါ်လာ ​သန်းပေါင်း ​၅၀၀ ​လောက်ရှိပြီး ​အရင်နှစ်နဲ့ ​ယှဉ်ရင် ​၆၀ ​ရာခိုင်နှုန်း ​ပိုများလာတာ ​ဖြစ်ပါတယ်။ ၂၀၁၂ ​ခုနှစ် ​ဘဏ္ဍာရေးနှစ်ရဲ့ ​တိုက်ရိုက်နိုင်ငံခြားရင်းနှီးမြုပ်နှံမှုတွေ၊ ​နိုင်ငံခြားငွေလဲလှယ်မှုတွေနဲ့ ​ဖွံ့ဖြိုးရေးအတွက်ရတဲ့ ​ထောက်ပံ့မှုတွေဟာ ​စုစုပေါင်းဒေါ်လာ ​၅.၁ ​ဘီလီယံလောက်ရှိပြီး ​မြန်မာပြည်တွင်း ​ဝန်ဆောင်မှုနဲ့ ​သွင်းကုန်တန်ဖိုးရဲ့ ​၄ ​လစာနဲ့ ​ညီမျှမှုရှိကြောင်းလည်း ​အာရှဖွံ့ဖြိုးရေးဘဏ်က ​ခန့်မှန်းထားပါတယ်။
	စစ်အစိုးရကိုအယုံအကြည်နည်းစေတဲ့အကြောင်း 25.10.2013     ပြုပြင်ရေးလုပ်ဖို့ ကြိုးပမ်းနေတဲ့ ဦးသိန်းစိန်အစိုးရကို ပြည်တွင်းပြည်ပမှာ အယုံအကြည်နည်းပါးစေတဲ့ အကြောင်းရင်းတွေကို လတ်တလောနဲ့ အခြေခံဆိုပြီး နှစ်မျိုးခွဲခြားနိုင်ပါတယ်။ ဦးသိန်းစိန်လက်ထက်မှာ ဖြစ်ပွားတဲ့ ပြဿနာနဲ့ ပဋိပက္ခတွေဟာ အစိုးရကို အယုံအကြည်နည်းစေတဲ့ လတ်တလောအကြောင်းရင်းတွေ ဖြစ်ပါတယ်။ အနှစ် (၅၀) ကျော် စစ်ခေါင်းဆောင်တွေ အဂတိလေးပါး လိုက်စားခဲ့တာဟာ အခြေခံအကြောင်းရင်း ဖြစ်ပါတယ်။ အဂတိလိုက်စားတယ်ဆိုတာဟာ လာဘ်ပေးလာဘ်ယူတင် မဟုတ်ပါဘူး။ မတရားလုပ်မှု၊ မမှန်မကန်လုပ်မှု၊ ကြောက်ပြီးလုပ်မှု၊ ဘက်လိုက်မှု စတာတွေလည်း ပါဝင်ပြီး အရိုးစွဲနေတဲ့ အကျင့်ဆိုးဖြစ်လို့ ပပျောက်အောင်လုပ်ဖို့ အလွန်ခက်ခဲတဲ့ ပြဿနာဖြစ်ပါတယ်။ အဂတိလိုက်စားမှု တိုက်ဖျက်ရေးဥပဒေအရ ဖွဲ့စည်းလိုက်တဲ့ကော်မရှင်ဟာ အစိုးရနဲ့ ပုဂ္ဂလိကကဏ္ဍမှာ အဂတိလိုက်စားမှုကို စုံစမ်းစစ်ဆေးမယ်လို့ ဆိုပါတယ်။ ဦးသိန်းစိန်အစိုးရသက်တမ်း လပေါင်း (၂၀) အတွင်းမှာ ရဲတပ်ဖွဲ့ဝင် (၇၀၀) အပါအဝင် ဝန်ထမ်း (၁၇,၀၀၀) နီးပါးကို အဂတိလိုက်စားမှုနဲ့ အရေးယူခဲ့ကြောင်း သိရပါတယ်။ ဒါပေမဲ့ လွန်ခဲ့တဲ့နှစ်က ထုတ်ပြန်တဲ့ Transparency International အဖွဲ့ရဲ့  အစီရင်ခံစာမှာတော့ မြန်မာဟာ အဂတိလိုက်စားမှု အများဆုံးနိုင်ငံထဲမှာ ပါဝင်နေဆဲဖြစ်ပါတယ်။ စစ်ဗိုလ်နဲ့ အခွင့်ထူးခံ ခရိုနီတွေ နှစ်ပေါင်းများစွာ အနိုင်ကျင့်ကြီးစိုးခဲ့တဲ့ဒဏ်ကို အခုထက်ထိ ပြည်သူတွေခံနေတုန်းပါ။ တရားဥပဒေရှိပေမယ့် စစ်ဗိုလ်တွေ ဥပဒေအထက်က နေခဲ့တဲ့အတွက် တရားစီရင်ရေးဌာနကို ပြည်သူလူထုက အယုံအကြည်မရှိပါဘူး။ ဒါကြောင့် တရားရေးဌာနမှာ အဂတိတရားလေးပါး ကင်းရှင်းဖို့ အရင်ဆုံးလိုအပ်ပါတယ်။ နိုင်ငံရေးအကျဉ်းသား လွှတ်ပေးမှု၊ ဒေါ်အောင်ဆန်းစုကြည်နဲ့ အန်အယ်ဒီပါတီဝင်အချို့  လွှတ်တော်ကိုယ်စားလှယ်ဖြစ်လာမှု၊ တိုင်းရင်းသားတပ်ဖွဲ့တွေနဲ့ ငြိမ်းချမ်းရေးဆွေးနွေးမှု၊ စာပေစီစစ်ရေးဖျက်သိမ်းမှု စတာတွေကြောင့် နိုင်ငံရေးဘက်မှာ အသင့်အတင့် ယုံကြည်မှု ရှိလာတယ်လို့ ဆိုနိုင်ပါတယ်။ လွှတ်တော်မှာ ဆွေးနွေးတာကို တိုးတက်မှုလို့ ဆိုနိုင်ပေမယ့် ကိုယ်စားလှယ်နေရာ (၂၅) ရာခိုင်နှုန်း စစ်တပ်က ယူထားတာကတော့ အဂတိလိုက်စားမှု ဖြစ်ပါတယ်။ ရေပန်းစားနေတဲ့ ဆွေးနွေးပွဲတွေမှာ အဂတိလိုက်စားမှု ပပျောက်ရေးနဲ့ ယုံကြည်မှုတည်ဆောက်ရေးလည်း ပါဝင်နေတာ တွေ့ရပါတယ်။ စစ်အုပ်စုကြီးစိုးချိန်မှာ ညီမျှမှု၊ တရားမျှတမှု၊ ကတိတည်မှု၊ နိုင်ငံရေးလွတ်လပ်မှု စတာတွေ ကင်းမဲ့နေလို့ ယုံကြည်မှု မတည်ဆောက်နိုင်တာလို့ သျှမ်းသံတော်ဆင့် က ဇန်နဝါရီလ (၁၇) ရက်နေ့က ဖော်ပြပါတယ်။ အဂတိတရားတွေကြီးစိုးလို့ ယုံကြည်မှုတည်ဆောက်လို့ မရတာဖြစ်ပါတယ်။ ယုံကြည်မှုမရှိဘဲ ငြိမ်းချမ်းရေးရဖို့ မဖြစ်နိုင်သလို တိုင်းပြည်တည်ဆောက်ဖို့လည်း ဖြစ်နိုင်မှာမဟုတ်ပါဘူး။ ဦးသိန်းစိန်အစိုးရ ပြုပြင်ရေးလုပ်တဲ့ ပထမ (၂) နှစ်မှာ ကရင်ပြည်နယ်၊ မွန်ပြည်နယ်၊ ပဲခူးတိုင်း နဲ့ တနင်္သာရီတိုင်းမှာ ဒေသခံတွေ အတင်းအဓမ္မ ရွှေ့ ပြောင်းခံရကြောင်း ကရင်လူ့အခွင့်အရေးအဖွဲ့ရဲ့  လွန်ခဲ့တဲ့ မတ်လထုတ် အစီရင်ခံစာမှာ ဖော်ပြထားတာ တွေ့ရပါတယ်။ သယံဇာတ ထုတ်ယူရေး၊ ရေအားလျှပ်စစ်၊ သစ်ထုတ်လုပ်ရေး၊ စိုက်ပျိုးရေးနဲ့ စက်မှုစီမံကိန်းတွေ အကောင်အထည်ဖော်ရာမှာ မြေယာသိမ်းပိုက်ပြီး ဒေသခံတွေကို နှင်ထုတ်နေတာ ဖြစ်ပါတယ်။ အစိုးရနဲ့ ကရင်အမျိုးသားအစည်းအရုံး အပစ်အခတ်ရပ်စဲထားပေမယ့် ဒေသခံတွေရဲ့  မြေယာပိုင်ဆိုင်မှုကို ကာကွယ်နိုင်တဲ့ အခြေအနေမရှိသေးဘူးလို့ ဆိုပါတယ်။ လက်နက်ကိုင်ကြီးစိုးခဲ့တဲ့ နယ်မြေဖြစ်လို့ အစိုးရတပ် (သို့မဟုတ်) တိုင်းရင်းသားလက်နက်ကိုင်နဲ့ ပုဂ္ဂလိကကုမ္မဏီ ပူးတွဲလုပ်ကိုင်တဲ့ စီမံချက်ကို ဆန့်ကျင်ဖို့မဝံ့မရဲ ဖြစ်နေကြတယ်လို့ ဆိုပါတယ်။ ကရင်ပြည်နယ်မှာ အပစ်အခတ်ရပ်စဲပြီးတဲ့နောက်ပိုင်း မြေယာသိမ်းပိုက်မှု များပြားလာပါတယ်။ ပြည်တွင်းပြည်ပ ပုဂ္ဂလိကလုပ်ငန်းရှင်တွေနဲ့ သက်ဆိုင်ရာအာဏာပိုင်တွေ ပူးပေါင်းပြီး သိမ်းယူတာဟာ လက်ရှိအစိုးရကို အယုံအကြည်ကင်းမဲ့စေတဲ့ လုပ်ရပ်ဖြစ်ပါတယ်။ မြေယာသိမ်းယူမှုကို ကိုင်တွယ်ဖို့ လယ်ယာမြေ စုံစမ်းရေးကော်မရှင်ကို လွှတ်တော်က ဖွဲ့စည်းထားပါတယ်။ လွန်ခဲ့တဲ့နှစ်နှောင်းပိုင်းမှာ ဖားအံ့နဲ့ သံတောင်ကို ဒီကော်မရှင်သွားပြီး မကျေနပ်တာကို တိုင်းကြားဖို့ အားပေးစကားပြောတာဟာ ချီးမွမ်းစရာဖြစ်ပေမယ့် ပြဿနာ မဖြေရှင်းနိုင်ပါဘူး။ ဥပဒေမဲ့ မြေသိမ်းတာကို ဟန့်တားပြီး တောင်သူလယ်သမား အကျိုးခံစားနိုင်ဖို့အတွက် အောက်တိုဘာလ (၈) ရက်နေ့က ဥပဒေပြဌာန်းပါတယ်။ တောင်သူလယ်သမား ကိုယ်စားလှယ်တွေ ပါဝင်တဲ့ ဦးဆောင်အဖွဲ့က အကောင်အထည်ဖော်မှာဖြစ်လို့ ဘယ်လောက် ထိရောက်တယ်ဆိုတာ စောင့်ကြည့်ရပါလိမ့်မယ်။ စစ်တပ်ကို မထိန်းချုပ်နိုင်တာဟာလည်း အရပ်သားတပိုင်း အစိုးရကို အယုံအကြည် ကင်းမဲ့စေတဲ့ အကြောင်းရင်းတခု ဖြစ်ပါတယ်။ လွှတ်တော်က ပြဌာန်းတဲ့ ဥပဒေအမျိုးမျိုးကို အကောင်အထည် မဖော်နိုင်ရင် အချည်းနှီးပါ။ လတ်တလော ဖြစ်ပေါ်တဲ့ ပြဿနာနဲ့ ပဋိပက္ခတွေကို ဖြေရှင်းနိုင်တဲ့ အတိုင်းအတာကိုလိုက်ပြီး ဦးသိန်းစိန်အစိုးရ ယုံကြည်မှုရရှိနိုင်ပါတယ်။ ဒါပေမဲ့ တဖက်သတ် လုပ်ကိုင်မှု၊ အနိုင်ကျင့်မှု၊ အခွင့်ထူးခံယူမှု၊ မတရားမှု၊ ဘက်လိုက်မှု၊ အလွဲသုံးစားလုပ်မှု စတဲ့ အဂတိတရားတွေ လိုက်စားနေသမျှ အစိုးရအဖွဲ့အစည်းတွေကို တိုင်းသူပြည်သားက ယုံကြည်ဖို့ ခက်ခဲနေမှာ ဖြစ်ပါတယ်။
	ကုလအတွင်းရေးမှူးချုပ် မြန်မာနိုင်ငံ ရောက်ရှိ     ကုလသမဂ္ဂအတွင်းရေးမှူးချုပ် Mr. Ban Ki-moon ဟာ မြန်မာနိုင်ငံကို မနေ့က ရောက်ရှိလာပြီး ဒီနေ့ ဧပြီလ ၃၀ ရက်တွင် သမ္မတ ဦးသိန်းစိန် နဲ့ တွေ့ဖို့ အစီအစဉ်ရှိတယ်လို့ ရန်ကုန် UNDP ကုလသမဂ္ဂ ဖွံ့ဖြိုးရေး အစီအစဉ်ရုံးက ပြောကြားပါတယ်။ ကုလသမဂ္ဂအတွင်းရေးမှူးချုပ် Mr. Ban Ki-moon ရွှေတိဂုံဘုရား တောင်ဘက်မုခ်ခြေတော်ရင်းရှိ ကုလသမဂ္ဂအတွင်းရေးမှူးချုပ်ဟောင်း ဦးသန့် ၏ ဂူဗိမာန်ကို ၂၀၁၂ ခုနှစ် ဧပြီလ ၂၉ ရက်နေ့က သွားရောက် ဂါရ၀ပြုနေစဉ်။ သူဟာ မနေ့က မွန်းလွဲ ၄ နာရီလောက်မှာ ရွှေတိဂုံဘုရား တောင်ဘက်မုခ် ခြေတော်ရင်းမှာရှိတဲ့ ကုလသမဂ္ဂ အတွင်းရေးမှူးချုပ်ဟောင်း ဦးသန့်ရဲ့ ဂူဗိမာန် မှာ ဂါရ၀ပြုပြီး နေပြည်တော်ကိုထွက်ခွာပါတယ်။ မေလ ၁ ရက်မှာ ရန်ကုန်ပြန်လာမှာဖြစ်ပြီး ဒီနေ့ သမ္မတ ဦးသိန်းစိန်နဲ့တွေ့ပြီး ပြည်ထောင်စု လွှတ်တော်ကိုလည်း သွားရောက်မယ်လို့ UNDP တာဝန်ရှိသူတဦးက ပြောပါတယ်။ “ရောက်ရောက်ချင်း မီဒီယာတွေနဲ့ အင်တာဗျူးရှိလိမ့်မယ်။ Media officer team တွေနဲ့ ညစာရှိတယ်လေ။ မနက်ပိုင်းကို UN ကလုပ်တဲ့ သန်းကောင်စာရင်းနဲ့ ပတ်သက်ပြီး မြတ်တော်ဝင်ဟိုတယ်မှာ လက် မှတ်ထိုးမယ်။ ပြီးရင် သမ္မတဆီကို သွားမှာ၊ ပါလီမန်သွားမယ်။ ပြီးရှင် ရှမ်းပြည်နယ်သွားမယ်။ UNOCC လေ။ ပြီးတော့ မေလ ၁ ရက်နေ့မှာ ဒီကို ပြန်ရောက်မယ်။” သူ့ခရီးစဉ်ဟာ မြန်မာအစိုးရအနေနဲ့ ဒီမိုကရေစီ ပြုပြင်ပြောင်းလဲရေး ပိုမိုဖော်ဆောင်ရေးနဲ့ တိုင်းရင်းသား လက်နက်ကိုင် အဖွဲ့တွေနဲ့ ငြိမ်းချမ်းရေး စေ့စပ်ဆွေးနွေးရေးအတွက် အားပေးတဲ့ ခရီးစဉ်ဖြစ်တယ်လို့ Reuters သတင်းမှာ ဖော်ပြ ထားပါတယ်။ မြန်မာနိုင်ငံဟာ ကမ္ဘာကို တံခါးပြန်ဖွင့်နေတာကို မြင်တွေ့နေရပေမဲ့ ကနဦးအစမှာ အတိမ်းအစောင်းမခံ၊ ထိလွယ် ခိုက်လွယ်တဲ့ အနေ အထားမျိုးမှာ ရှိနေသေးတဲ့ အကြောင်း မြန်မာနိုင်ငံကို မလာရောက်ခင် အမေရိကန် ပြည်ထောင်စု နယူးယောက်မြို့မှာ မစ္စတာ ဘန်ကီမွန်းက ပြော ကြားခဲ့တာပါ။ မေလ ၁ ရက်နေ့ ရန်ကုန်ပြန်ရောက်လာတဲ့အခါ မစ္စတာ ဘန်ကီမွန်းဟာ NLD အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်နဲ့ တွေ့ဆုံဖို့ရှိပါတယ်။ ခု တတိယမြောက် ခရီးစဉ်မှာ သူနဲ့အတူ ဇနီး Mrs. Yoo Soon-taek လည်း လိုက်ပါလာပါတယ်။
	၂၀၁၅ ကိစ္စ ဦးသိန်းစိန်ကိုယ်တိုင်ပြောမယ် NYATASAY OCTOBER 28,2013     သမ္မတဦးသိန်းစိန်က လာမယ့် ၂၀၁၅ ရွေးကောက်ပွဲမှာ သမ္မတအဖြစ် သူဝင်အရွေးမခံ ဆိုတာကိုသူကိုယ်တိုင် ပြည်သူတွေကို အသိပေးပြောကြားမယ်လို့ သမ္မတရဲ့ပြောခွင့်ရဦးရဲထွဋ်က ပြောပါတယ်။ ရွေးကောက်ပွဲမှာ သမ္မတအဖြစ် ဝင်အရွေးမခံတော့ဘူးလို့ သူ့ကိုပြောခဲ့ကြောင်း ပြည်ထောင်စုလွှတ်တော်နာယက ဦးရွှေမန်းက ပြီးခဲ့တဲ့ အောက်တိုဘာလ ၂၄ ရက်နေ့မှာ လွှတ်တော်ကပြုလုပ်တဲ့ သတင်းစာရှင်းလင်းပွဲမှာ ထုတ်ဖော်ပြောဆိုခဲ့အပြီး ၂ ရက်အကြာမှာ သမ္မတရဲ့ ပြောခွင့်ရ ဦးရဲထွဋ်က အခုလို တုန့်ပြန်ပြောဆိုလိုက်တာပါ။
	သံသယတွေ အပြည့်နဲ့ဗုံး NYATASAY OCTOBER 27,2013     မြန်မာနိုင်ငံမှာ ပြီးခဲ့တဲ့ အောက်တိုဘာလလယ်က ရန်ကုန်မြို့ကုန်သည်ကြီးများ ဟိုတယ်အပါအဝင် မန္တလေး၊ စစ်ကိုင်း၊ နမ့်ခမ်း၊ တောင်ငူ စတဲ့ နေရာဒေသတွေမှာ ဗုံးပေါက်ကွဲမှုတွေဖြစ်ပွားခဲ့သလို အသေအပျောက်တွေလည်းရှိခဲ့ပါတယ်။ အဲဒီအပြင် မပေါက်ကွဲသေးတဲ့ဗုံး တွေ့ရှိမှုတွေ ၊ ဗုံးလန့်မှုတွေကြောင့်လည်း ပြည်သူအများစိုးရိမ်ထိတ်လန့်မှုတွေလည်း ပွားနေကြပါတယ်။ အောက်တိုဘာလအတွင်း ပေါက်ကွဲမှု ၆ ကြိမ် ပေါက်ကွဲမှုမဖြစ်မီဖယ်ရှားနိုင်မှု ၄ ကြိမ် ၊ ဗုံးလန့်မှု ၁၀ ကြိမ်ဖြစ်ပွားခဲ့ကြောင်း ရဲချုပ် ဇော်လင်း က အောက်တိုဘာလ ၁၈ ရက် သတင်းစာ ရှင်းလင်းပွဲ မှာပြောဆိုပါတယ်။
	ရခိုင်ပြည်နယ် တည်ငြိမ်ရေး ဒေါ်လာသန်း ၁၁၀ နီးပါးလိုအပ် NYATASAY OCTOBER 25,2013 ပဋိပက္ခများဖြစ်ပွားခဲ့သော ရခိုင်ပြည်နယ်တွင် တည်ငြိမ်ရေး ၊ ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများ လုပ်ဆောင်လျှက်ရှိရာ ရန်ပုံငွေ အမေရိကန်ဒေါ်လာ ၁၀၉ ဒသမ ၃ သန်း လိုအပ်ကြောင်း ၊ လတ်တလော ဒေါ်လာ ၇၉ သန်းရရှိထားပြီး စီမံချက် ၁၀၉ ခုအတွက် သုံးစွဲထားကြောင်း နေပြည်တော်တွင် ယမန်နေ့က ကျင်းပသော ရခိုင်ပြည်နယ်တည်ငြိမ် အေးချမ်းရေးနှင့် ဖွံ့ဖြိုးတိုးတက်မှုအကောင်အထည်ဖော်ရေး ဗဟိုကော်မတီအစည်းအဝေး၏ ထုတ်ပြန်ချက်အရ သိရှိရသည်။
	လူ့အခွင့်အရေးအကာအကွယ်ပေးမှ မြန်မာ့ပြုပြင်ပြောင်းလဲမှု အောင်မြင်မည်ဟု ကင်တားနား သတိပေး NYATASAY OCTOBER 25,2013 မြန်မာနိုင်ငံအတွင်း မူစလင်ဆန့်ကျင်ရေး အယူအဆများ ကျယ်ကျယ်ပြန့်ပြန့် ပေါ်ပေါက်လာခြင်းသည် မြန်မာနိုင်ငံ၏ ပြုပြင်ပြောင်းလဲမှုအတွက် အကြီးမားဆုံး ခြိမ်းခြောက်ဟန့်တားသော လူ့အခွင့်အရေးရပိုင်ခွင့်များကို အကာအကွယ်ပေးနိုင်မှသာ ပြုပြင်ပြောင်းလဲရေးအောင်မြင်မည်ဖြစ်ကြောင်း မြန်မာနိုင်ငံဆိုင်ရာ ကုလသမဂလူ့အခွင့်အရေးကိုယ်စားလှယ် မစ္စတာကင်တားနား က ယမန်နေ့ ကုလသမဂ အထွေထွေညီလာခံတွင် ပြောဆိုသည်။